ابڙو اڪيڊمي Abro Academy
2020-07-18
داخلا نمبر 534
عنوان ٻار ٺڳو، اسڪلو
شاخ پکي
پڙهيو ويو 323
داخلا جو حوالو:
ٻار ٺڳو، اسڪلو
ھي پکي 25 سينٽي ميٽر ڊگهو ٿئي ٿو. پٿريلي ڳاڙهي رنگ جي ڳچيءَ هيٺ ڇاتيءَ تائين ٿئيس ٿي. ڪارو ۽ سرمائي پيٽ، ۽ ڊگهيون ٽنگهون اٿس. پيرن ۾ ٽي ٽي آڱريون هونديون اٿس. هن پکيءَ کي چهنب کان اک وٽان ڊگهو آر پار پٽو ٿئي ٿو. اک جي مٿان اڇو پٽو ۽ چوٽي ڳاڙهي آهيس. ان ريت مٿي تي ٽي چار رنگين پٽيون سندس خاص نشاني آهي.ھن پکيءَ کي بروھڪيءَ ۾ اسڪلو ۽ سنڌيءَ ۾ ٻار ٺڳو چون ٿا. اَسڪلوءَ جي ڊگهڙي چهنب ڪجهه هيٺ تي مڙيل هوندي آهي. هي پکي خشڪ کليل ننڍڙي گاھه ۽ ان جي ڀرسان کيتن ۾ رهندو آهي. عام عادتن ۾ ٽيٽي وانگر هلندو ۽ بيهندو آهي ۽ ڪنهن ڪنهن مهل زمين تان جيت چڳي کڻندو آهي ۽ خبرداري سان ڪنڌ مٿي کڻي تڪڙيون وکون کڻي اڳتي وڌي ويندو آهي. ويجهو وڃڻ تي اڏامي وڃي ٿو. ٻچي جي چوٽي ڳاڙهي نه ٿي ٿئي ۽ نه وري اکين وٽان ڪجل پٽو هوندو آهيس. ھي ماحول: 3 ۾ رھندو آھي.